Nú liggja fyrir veiðitölur fyrir síðastliðið sumar. Alls veiddust 1559 fiskar í Litluá en það er óveruleg breyting frá fyrra ári. Í Skjálftavatni veiddust 688 fiskar sem er um 4% minna en á síðasta ári. Á vatnasvæðinu veiddust samtals 2247 fiskar en á síðasta ári veiddust 2281 fiskar og því er því um óverulega breytingu að ræða á milli ára.

Enginn skortur var á vænum fiskum í Litluá og Skjálftavatni frekar en undanfarin ár. Þannig voru í Litluá um 370 fiskar (24%) 60 cm eða stærri og yfir 50 fiskar (3,4%) 70 cm eða stærri og þar af sex 80 cm eða stærri. Sá stærsti var 90 cm urriðatröll sem Sigfús Hreiðarsson setti í á síðustu dögum veiðitímans (sjá mynd) en skv. vörpunartöflu má ætla að urriðinn sé um 8 kg. Í Skjálftavatni voru um 170 fiskar (24%) 60 cm eða stærri og 11 fiskar (1,6%) 70 cm eða stærri og sá stærsti var 74 cm bleikja.

Skipting á tegundir er eftirfarandi, tölur frá 2010-2018 eru með til samanburðar. Síðustu ár hafa verið nálægt meðallagi.